Blog Banners

歡迎到訪本網誌!  |  Welcome to visit this blog!

2013年7月28日 星期日

魔法‧音樂‧奇幻 (Magic‧Music‧Mystery) Part 2!

如果  閣下未曾閱讀過Part 1 的話,建議先 按此 前往閱讀Part 1!

好!繼續我哋嘅旅程。



演講廳 (The Presentation Room)
「迪士尼幻想工程師」亦稱此處為“Pre-show Room”, 而此處亦都係向加洲迪士尼樂園(Disneyland Park) 嘅經典遊樂設施「幽靈公館」(The Haunted Mansion) 致敬!參觀過HM都會發現喺正式開始旅程前都會進入一個“Pre-show Room” ,而該房間都係同大宅中嘅演講廳一樣係八角形嘅設計。


亨利爵士開始介紹啦!喺講話中分享佢與「阿拔」四出遊歷嘅經歷以及與大家分享大宅中嘅最新珍藏品「巴厘猴紋鑲寶石音樂盒」(Balinese Music Box) !相傳呢個音樂盒一旦被打開,裡面嘅「音樂星塵」就會令所有物件瞬間地被賦予生命。由於音樂盒上刻有猴子圖案以及鑲滿鑽石,所以「阿拔」對佢產生咗興趣。 而大家亦都喺演講廳內第一次親眼見到呢位既可愛又頑皮嘅「小朋友」。

喺2011年嘅「擴建預覽中心」裡面,園方亦有向賓客展示咗「阿拔」嘅塑像。而當時所展示嘅塑像已同「阿拔」宜家嘅極為相似。



上車區 (Load)

大家請按指示準備進入上車區!

喺上車之前,大家會見到一張印有「迷離莊園電磁廂車」(Mystic Magneto-Electric Carriage) 嘅海報以及園方俾大家嘅「温馨提示」。

「迷離莊園電磁廂車」(Mystic Magneto-Electric Carriage) 係迪士尼樂園裡面史上最複雜精密嘅無軌列車系統,亨利爵士嘅助手每次都會安排四輛廂車同時出發,廂車上設有環轉車架且會進行單獨行駛及雙車行駛令大家喺每次到訪大宅時都有唔同嘅經歷!

請各位賓客留意「温馨提示」!

上車區位於大宅嘅底層,故此呢個地方都有啲似一個地庫。

上車區亦都放滿咗唔少剛剛到步嘅展品!

準備上車啦!

上車區內設有一個大型電力裝置以為「迷離莊園電磁廂車」(Mystic Magneto-Electric Carriage) 提供電力來源!



展品收編室 (Acquisitions & Cataloguing)

歡迎大家嚟到「展品收編室」!先同大家介紹當中幾件收藏品:

1. 「巴厘猴紋鑲寶石音樂盒」(Balinese Music Box)
2. 非洲部落面具 (African Tribal Mask)
3. 青銅龍雕 (Chinese Dragon Qing Dynasty)
4. 中國鎧甲 (Chinese Armour)
小知識:來自中國嘅鎧甲原本係造俾貴族穿著,而最早期嘅鎧甲係用龜殼造到咗後期先演變為用皮革及銅製造。

「展品收編室」嘅四周擺放咗多件等待收編嘅展品。

【本則內容之更新日期:15 / 9 / 2013】而大家亦可以喺呢間房(頭尾兩幕都有) 揾到「隱藏米奇」(Hidden Mickey)!

亨利爵士會先同大家打招呼,而佢亦同大家講喺各位眼前嘅就係「巴厘猴紋鑲寶石音樂盒」(Balinese Music Box) 。其後,爵士離開收編室繼續揾「阿拔」以免佢搞出一個「大頭佛」。但係......

此時,「阿拔」偷偷地從音樂盒後面走出離並且打開咗果音樂盒!

而音樂盒入面擁有神秘力量嘅「音樂星塵」因此而被釋放咗出嚟,博物館嘅展品開始「返生」啦!





樂器室 (Music Instruments)


歡迎大家嚟到「樂器室」!當「音樂星塵」接觸到室內嘅樂器時,所有古老樂器都自然地彈奏遊樂設施嘅主旋律。而「阿拔」亦都喺嚟自墨西哥嘅「瓦哈卡管風琴」(Oaxacan Organ) 中跳出嚟!

「音樂星塵」四處飄來飄去!

同大家介紹其中一邊嘅樂器先!

鐘鑼 (Bells)

管樂器 (Wind Instruments)

大鼓自動奏樂!

而另一邊就有幾件弦樂器 (String Instruments)!

位於室嘅中心係嚟自德國嘅「大鍵琴」(Harpsichord) 以及嚟自奥地利嘅「豎琴」(Harp)。

「大鍵琴」(Harpsichord) 嘅表面上印有西式嘅圖案。

而當大家睇近啲嘅時候會發現琴上印有“LANZISERO” 呢個字,此處亦都係向「華特迪士尼幻想工程」創意部資深副總裁Joe Lanzisero 致敬!

當「音樂星塵」飄過,「豎琴」(Harp) 嘅弦上變成彩色並自動奏樂!

好奇嘅「阿拔」好似唔覺得自己「出咗事」咁喎!



地中海古物室 (Mediterranean Antiquities)

歡迎大家嚟到「地中海古物室」!

大家會先見到一幅畫有羅馬圓形競技場嘅掛畫。

之後,當「音樂星塵」接觸到嚟自那不勒斯嘅「龐貝壁畫」(Pompeii Fresco) 時,畫上的火山突然噴出熔岩!

「音樂星塵」繞過室內嘅其中一個柱子!而大家亦都可以見到一個古代女性雕像。

喺嚟自克里特島嘅「雙耳細頸土罐」(Amphora Vase) 上,「大力士」海格力斯與兇猛嘅獅子決鬥,而喺決鬥期間亦都令到土罐左搖右擺!

而當「音樂星塵」接觸到嚟自特洛伊嘅「美杜沙馬賽克鑲嵌圖」(Medusa) 時,畫中嘅美杜沙變成可怕嘅蛇妖!大家唔好望住佢雙眼呀!

別遺忘呢兩個具錯視效果嘅雕像呀!



日光温室 (Solarium)

歡迎大家嚟到「日光温室」!温室內放滿咗嚟自哥斯達黎加嘅「蝎尾蕉」(Heliconia) 、嚟自澳洲嘅「南極洲軟樹蕨」(Dicksonia Antarctica) 以及嚟自美國嘅「捕蠅草」(Venus Fly Trap)。

發現Hidden Mickey!

頑皮嘅「阿拔」係度搞啲「小食人花」,點知俾「食人花媽媽」發現咗。

Oops!各位要小心呀!



北歐室 (Slavic-Nordic Chamber)

歡迎大家嚟到「北歐室」!室內嘅漆器浮雕板畫「俄羅斯之春」(“Russian Spring”) 被突如其來嘅「冬天之神」所影響,「冬天之神」突然吹出冷風令到室溫急降,凍到連室內嘅鏡子都結曬冰!



兵器及盔甲室 (Arms and Armor)

歡迎大家嚟到「兵器及盔甲室」!

室內掛滿咗不同嘅軍隊旗標(Warrior Group Standards) 、貴族紋章(Heraldry of the Nobility) 、赫斯盾牌(Hussite Shield) 以及戰斧(Axes)!

大鍋啦!「阿拔」卡住咗喺大炮入面,而日本武士就想用刀殺咗佢。

 發現Hidden Mickey!

此時,嚟自俄羅斯嘅「沙皇大炮」(Tsar Cannon) 向住廂車發炮!廂車被打倒天旋地轉!

而三套中世紀盔甲(Medieval Armour) 亦喺度唱歌!「如今魔法已變天地、來吧雙眼不要閉起……」!

又再發現Hidden Mickey!

小心由嚟自諾曼第嘅「十字弓弩」(Crossbow) 所射出嘅箭呀!

牆上亦掛上唔少嘅長兵器 (Spear Weapons)!

哈!哈!哈!打倒亂曬!



埃及古物室 (Egyptian Antiquities)

歡迎大家嚟到「埃及古物室」!室內嘅左右兩方分別放咗兩塊唔同嘅「象形文字石碑」(Hieroglyph Tablet) ,石碑上嘅人傢隨着音樂翩翩起舞。

而飛蟲亦突然喺木乃伊中走出嚟令到房間黑曬!



部落工藝室 (Tribal Arts)

歡迎大家嚟到「部落工藝室」!嚟自湯加群島嘅「熔岩神像」(The Lava God) 具有和平嘅象徵意義,神像因受到星塵嘅影響而流出熔岩!

呢個嚟自大溪地嘅「鼓手神像」(Drummer Idol) 柚木雕像!

係咪覺得好熟口熟面呢?「鼓手神像」其實係向加洲迪士尼樂園嘅「提基神殿」(Enchanted Tiki Room) 致敬,所以喺下圖中嘅Tiki God 同「鼓手神像」樣貌好相似。

而大家亦都可以喺「布教授商品店」中揾到佢哋嘅「兄弟」!

嚟自波利尼西亞嘅「部落雕像」(Tribal Idols) 突然向「阿拔」發箭!

可憐嘅「阿拔」!



中國沙龍室 (Chinese Salon)

歡迎大家嚟到「中國沙龍室」!位於室中央嘅「齊天大聖」孫悟空玉雕(The Monkey King) 揮動手上嘅「金剛棒」,所有廂車同書畫都吹到天旋地轉!

位於左邊果一張係「松梅雙鶴圖」(Cranes Silk Painting)。

室內亦展出咗唔少中國展品!

呢個係「掐絲珐瑯雙耳扁壼」(Chinese Vase) !

繼續吹到天旋地轉!而強風嘅力量亦都令到一隻熊貓從書畫中飛咗出嚟!

「阿拔」終於知道自己「出咗事」!



展品收編室 (Acquisitions & Cataloguing)

歡迎大家返到「展品收編室」!室內滿佈「音樂星塵」,「阿拔」即時將音樂盒關上,一切回復原貌!

亨利爵士好似唔知道剛才所發生過嘅事情喎!而「阿拔」亦都向亨利爵士聲稱自己冇打開過呢個音樂盒。

見唔見到牆上把劍插住咗「阿拔」頂帽呢?



下車區 (Unload)

下車區仲有好多剛剛到步嘅收藏品!

【本則內容之更新日期:10 / 9 / 2013】特別一提,原來喺「迷離大宅」嘅下車區內可找到"Shiriki Utundu" 嘅「兄弟」!

Bye Bye!


喺「與『迷離莊園』幕後大師對話」活動中,Joe Lanzisero展示咗大宅嘅Floor Plan,大家可以break 吓 magic 啦!

「迷離莊園」嘅配樂更出自著名荷里活配樂大師丹尼•艾夫曼 (Danny Elfman) 手筆。喺活動中,Danny 講到「迷離大宅」好似「幽靈公館」嘅「親戚」,而係製作音樂過程中嘅其中一個困難之處就係需要考慮到唔同廂車喺唔同角度入面應該點樣用音樂去表達故事嘅開始以及變化!而Joe 同 Danny 亦都提到大家合作得好好,當中嘅意見磨擦較為少。

另外,Joe Lanzisero 提到大宅中運用咗一個名為 "Cone Beam"嘅技術去製作當中嘅3D影像,而當「冬天之神」吹風雪時亦都用咗4D 嘅效果!仲有,每架廂車亦都設有電腦作交流以避免發生意外。



您知道嗎?於上年首度登場嘅「詭墳學院」(Graves Academy) 入面,當中有部份嘅元素其實係向「迷離大宅」(Mystic Manor) 致敬!例如:等候進入「校長室」前要喺走廊入面等開門、「校長室」八角形嘅房間設計、頭尾都係「校長室」嘅場景(同一場景)等等。可見WDI 其實已經喺「迷離莊園」開幕前再作多一個小小嘅「預告」!

【本則內容之更新日期:24 / 8 / 2013】順帶一提,喺今屆D23 Expo 嘅"Voices of the Disney Parks" 分享會中更邀請咗為亨利爵士配音嘅「迪士尼幻想工程師」Stephen Stanton 到場與一眾Disney Fans 分享佢喺過往為園內遊樂設施嘅配音經歷。



準備去下一站未呢?請 按此 前往閲讀Part 3!


參考網站及資源 (References) :

1. “Story behind Mystic Manor: Imagineers get inspired by classic dark rides to create new adventures for Hong Kong Disneyland” (來自 From:“Inside The Magic” by Ricky Brigante)

2. “It's All In The Details Of Hong Kong Disneyland's Mystic Manor”  (來自 From:Theme Park University)

3. 「全球獨一無二的主題園區「迷離莊園」5月17日正式開幕 科技特效及細緻設計打造原創故事 呈獻疑幻疑真的奇幻旅程」 (來自 From:香港迪士尼樂園官方新聞稿)

4. 「全球獨一無二的主題園區「迷離莊園」正式開幕」 (來自 From:香港迪士尼樂園官方新聞稿)

5. Making of Mystic Manor with Imagineers and executives at Hong Kong Disneyland (來自 From:“Inside The Magic” YouTube Channel)

6. Behind The Scenes: Exploring the New Mystic Manor at Hong Kong Disneyland  (來自 From:Disney Parks’ YouTube Channel)



Disney, Walt Disney Imagineering, Hong Kong Disneyland Resort

沒有留言 :

張貼留言